Rijssense Psalmen

1.
Priest de HEARE, Hee is good,
Priest Um met oew hatt’ en moond.
Hee, Den God en HEARE is,
vuur aaltied geneareg is.

2.
Priest Um, priest Um ieder bod,
dissen allerhuegsen God.
Hee, Den God en HEARE is,
vuur aaltied geneareg is.

3.
Priest de HEARE, want Hee steet
vear boawn ieder meanskenkeend.
Hee, Den God en HEARE is,
vuur aaltied geneareg is.

4.
Groote woondern zeent Zin woark,
Hee alleneeneg is zoo stoark.
Hee, Den God en HEARE is,
vuur aaltied geneareg is.

5.
n Hoogen heemel hef Hee klook
lùs evooln zoo as een dook.
Hee, Den God en HEARE is,
vuur aaltied geneareg is.

6.
Hee gaf oons nen vasten voot
boawn et waater in de groond.
Hee, Den God en HEARE is,
vuur aaltied geneareg is.

7.
Ook maakn Hee vuur oons genog
groote lechen an de loch.
Hee, Den God en HEARE is,
vuur aaltied geneareg is.

8.
Hee gaf an de zunne mach
umm te skittern oawerdag.
Hee, Den God en HEARE is,
vuur aaltied geneareg is.

9.
Moan’ en stearn skient op oons pad,
want Hee geet met oons op n trad.
Hee, Den God en HEARE is,
vuur aaltied geneareg is.

10.
Hee sleug tot in n huegsen staand
d ùelsen van Egyptelaand.
Hee, Den God en HEARE is,
vuur aaltied geneareg is.

11.
Israël gung Hee vuurbiej
met Zinn straff’ – Hee maakn ze vriej,
Hee, Den God en HEARE is,
vuur aaltied geneareg is.

12.
hef ze met Zinn haan’ bedekt
en Zinn oarm wied oetestrekt.
Hee, Den God en HEARE is,
vuur aaltied geneareg is.

13.
Hee is met ùer met egoan,
hef de zee duurmiln edoan.
Hee, Den God en HEARE is,
vuur aaltied geneareg is.

14.
Hee hef Israël in n nach
druege wier an laand ebrach.
Hee, Den God en HEARE is,
vuur aaltied geneareg is.

15.
Farao den spottn met God
wùr in t waater vot estot.
Hee, Den God en HEARE is,
vuur aaltied geneareg is.

16.
Hee gung mét duur zee en zaand,
duur het weelde weuste laand.
Hee, Den God en HEARE is,
vuur aaltied geneareg is.

17.
Stoarke koonengn met ùer mach
hef Hee helleg vot ejag.
Hee, Den God en HEARE is,
vuur aaltied geneareg is.

18.
Gruetse koonengn maakn zik groot,
Hee, de HEARE, hùw ze dood.
Hee, Den God en HEARE is,
vuur aaltied geneareg is.

19.
Hee hef Sichons slim geweald
daale ‘hùwn in Amors veald.
Hee, Den God en HEARE is,
vuur aaltied geneareg is.

20.
Hee, Den Basans haejnse hof,
Og, de koonek, goojn in t stof.
Hee, Den God en HEARE is,
vuur aaltied genareg is.

21.
Hee gaf t laand zoo wied as t is
Israël tot oarfeniss’.
Hee, Den God en HEARE is,
vuur aaltied geneareg is.

22.
Hee hef Israël Zinn Knech
al et laand in haan’ eleg.
Hee, Den God en HEARE is,
vuur aaltied geneareg is.

23.
Ook hef Hee oons neet vegàtn
toew-w ebeunn warn in de kàtns.
Hee, Den God en HEARE is,
vuur aaltied geneareg is.

24.
Viejaann dee oons oonderdrukn
munn non vuur de HEARE bukn.
Hee, Den God en HEARE is,
vuur aaltied geneareg is.

25.
Alns wat leawt, an klean en  groot
gef Hee alle daage brood.
Hee, Den God en HEARE is,
vuur aaltied geneareg is.

26.
Priest Um, priest Um ieder bod,
heemelhooge is oewn God!
Hee, Den God en HEARE is,
vuur aaltied geneareg is.

Volgt nog

Ik heb ongeveer tien variaties op het refrein uitgeschreven. Maar geen éen ervan kon me echt bekoren.

Wat staat er eigenlijk? In het Hebreeuws is er sprake van een uitroep van 6 lettergrepen, die de theoloog W. Barnard weergeeft met: Voor áltijd Zijn vriendschap (ook zes lettergrepen). Het woord “vriendschap” is de Hebreeuwse term “chesed” dat heel veel betekenislagen heeft. Je komt allerlei vertalingen tegen: goedertierenheid (verbondstrouw!), trouw, trouwe liefde, genade (mercy; King James). Datheen  spreekt van “grote goedigheid”. De Biebel in de Twentse Sproake: ”trouwe leefde”; “goodguenstig (goodguenstegaejd)”. Maar toen iemand zich positief uitliet over de uiteindelijke keuze heb ik besloten het daarbij te laten. Het is goed dat iemand anders meekijkt omdat er soms een soort  van “bedrijfsblindheid” ontstaat…

Het woord eeuwig (Hebreeuws: “olam”) wordt in de Bijbel ook gebruikt in de betekenis “voor altijd, voor immer”.