Rijssense Psalmen

1.
De HEARE maakt alns wat beweg,
an disse weald gef Hee et lech.
Hee dut zoo as nen Koonek haandelt;
Hee hef de weald noar Zinnen wet
op zee en waater daale ‘zet,
ne vaste stea woer t meanske waandelt.

2.
Wee kan Gods Boarg Den haejleg is
beklimn – dàt hee toch vaejleg is,
nen Plaase hooge en zoo hearlek?
Alleeneg hee den zik de haan’
an voele zuenden neet wil braann,
den t hatte zuuwer hoolt en ealke.

3.
En den aaltied de woarhaejd spràk,
wat hee beloawd hef neet vebràk.
Wee in de nood Zinn zeang vewochen;
t zeent Jakobs wichter dee loat bliekn,
noar Oe te vroangn, noar boawn te kiekn
en neareg Oew Gezichte zochen.

4.
Maak oewe poortn dan hoog genog,
eewege duurn tot an de loch
vuur dissen Koonek! Um de eare!
Hee is ’n stoarksen in de stried.
Maak oewe poortn mer roem en wied
vuur dissen Heald, want Hee is HEARE.

5.
Maak oewe poortn dan hoog genog,
eewege duurn tot an de loch
vuur dissen Koonek! Hee is HEARE!
Hee is de Koonek, groot in mach,
Um is de hearlekhaejd en krach,
Hee is de Koonek! Um de eare!

Volgt nog