Psalm 5
1.
Ik buuge alle moarns de kneene
en roope in minn mùejte tot
minn huegsen Koonek en minn God.
Iej huert minn stemme as gin eene;
dà-k Oe toch veene!
2.
God groezelt van bedreegerieje
en al et goddelooze kwoad,
van groote luegns en gruetse proat.
De leu dee t blood vegeet maakt Ieje
tot weustenieje.
3.
Oew groote goodhaejd wil ik priezen,
k zal in Oew Hoes doarvan getuung,
miej deepe vuur Oe daale buung.
Iej zùet de rechen weg miej wiezen
den t ik mag kiezen.
4.
Mer slàchte leu dee t alns bedoarven
hebt haalze as et lùsse graf,
de tonge kùjjert voel en laf.
Op gladde weage zùet ze zwoarven,
in t duuster stoarven.
5.
t Rechveardeg volk zal t eeweg good goan,
zee zùet in Oe van bliejskop springn
en aajt vedan de HEARE zingn.
Iej zùet as skeeld umme ze hen stoan
en met ze met goan.