Rijssense Psalmen

Psalm 13 1. Wolange, miln in groote stried vegàt, Iej, HEARE, miej aaltied en zeuk’ ik aajt vedan en bange Oewzelf, Oew leeflek lech; wola-nge bliew Iej mer vot, zoo vear, zoo wied? 2. Wolange mu-k in n biestern, bleend, de daage duurkomn vol vedreet, wolange zol minn viejaand lachen as Oewe oongn minn nood neet zag-gen? Kiek miej toch an, geewt miej beskeed. 3. Maak dàt minn oongn wier healder wort en redt miej van de [...]

Psalm 14 1. Nen dwoas zeg biej zikzelf: Doar is ginn God. Zee leawt zik oet, doot niks as slimme dinge. Gin meanske op de weald maakt t God noar t zinne. Umzuens zoch Hee noar n meanske dàt neet spot met Zin gebod. 2. De HEARE hef oet n heemel wal ezeen dàt alle leu op n biestern zeent, bedùrven, gin good doot en t vestaand lik ofestùrven. Gin meanskenkeend, gineene, is te veenn den God [...]

Psalm 15 1. Wee mag in Oewe teante wean, in t haejlegdom van oonzen HEARE, wonn op Oewn Boarg en hooge Stea? Hee den aalt waandelt in Gods vrea en ealke haandelt tot Gods eare. 2. Hee den getrouw de woarhaejd zeg, nen heekel hef an vaalse taale, vuur al zinn mùege aalt oprech; noojt lellek oawer noabers dech. Op t minne vol kik hee deep daale. 3. Hee eart geduureg in zin spràkn alln dee de [...]

Psalm 19 1. Zoo hooge n heemel geet en healder boawn miej steet; joa zoo onaejndeg vear en wied de loch zik spraejt is God in hearlekhaejd onmeujneg vùlle mear. De stemme van de dag geet oawer in de nach um oons op God te wiezen. Totdàt et stille wort, want wùere skeet tekort um dissen God te priezen. 2. Ùer boskop: God is good heurt heel de weald in t roond tot woer de zunne steet. [...]

Psalm 21 1. De koonek hef van Oewe krach o HEARE, vùlle wille. Wee blif tr dan nog stille? Non juubelt hee oet alle mach, want Iej maakt um opniej van alle viejaann vriej! 2. Wat in zinn hatte ummegeet, zinn deepsten wuens; Iej, HEARE, Iej geewt et um geneareg. Op al zinn vroang krig hee beskeed. Iej komt um, toogeneang, temeute met Oewn zeang. 3. Iej kroont zinn kop met goolden kraans. Iej geewt de koonek [...]

Psalm 22 1. Minn God, minn God, woer zee-J toch hen egoan? Ik skreewe t oet en gùlle heete troann; geewt toch beskeed, wat he-J miej an edoan? Heur toch minn klachen. Ik koarme t oet biej daage en biej nachen, Iej bliewt zoo vear, et hatte wort neet stille. Kom toch wierumme, geewt miej nieje wille - ik kan neet mear. 2. Ik weete, God, dàt Iej kaant haejleg zeent en dàt Oewn troon op hooge [...]

Psalm 23 1. De Heare is minn Skeeper, minn Gelaejde; k hebb' gin gebrek. Hee breg miej in de waejde, in t greune grùs en leg miej efkes laater heel zachjes daale biej et stille waater. Hee gef minn zeele vrea en nieje wille, Hee breg miej op minn stea en maakt et stille. 2. Al mu-k smangs duur ne duustre deepte zwoarven, langs stàele weage woer ik deank te stoarven - Iej zeent met miej, want [...]

Psalm 24 1. De HEARE maakt alns wat beweg, an disse weald gef Hee et lech. Hee dut zoo as nen Koonek haandelt; Hee hef de weald noar Zinnen wet op zee en waater daale 'zet, ne vaste stea woer t meanske waandelt. 2. Wee kan Gods Boarg Den haejleg is beklimn - dàt hee toch vaejleg is, nen Plaase hooge en zoo hearlek? Alleeneg hee den zik de haan' an voele zuenden neet wil braann, den [...]

Psalm 25 1. k Legg' minn zeele in Oew haane, biej Oe skuul ik in de nood. Maak miej, HEARE, neet tot skaande, want minn viejaand maakt zik groot. Iej komt as nen Helper tot alln dee vuereg op Oe wochen, mer beskaamt de vaalse spot van de leu dee Oe noojt zochen. 2. Wil miej Oewe weage wiezen, lear miej woer ik hen mut goan um de juuste weg te kiezen. Loat minn vuete vaste stoan. [...]

Psalm 27 1. De HEARE is min Lech en minn Velùsser, vuur wee zol ik nog lenger bange wean? Hee is min vaste Stea, non kan ik rùssen. Ik vreeze neet, Hee gef miej stille vrea. Minn haaters kon min vlaejs wal leawndeg àtn mer Iej, o HEARE, hebt miej neet vegàtn. De minne leu dee met min leawn woln spùln; zee stroekeln zelf, zeent duur Oew’ haan’ evùln. 2. Al kùm een leager viejaann miej temeute [...]

Psalm 32 1. Good of 'n meanske - den in n biestern waandelt - as God vegef, geneareg met um haandelt; wonear de HEARE Zelf as met een kleed alns toodekt en van zeunde neet mer weet. In zinnen gees is gin bedreegerieje. Toew ik nog zweeg wùr t leawn ne weustenieje. Ik skreewn et oet, ik kwienn tot op het bot. Oew haane drok miej daale en vear vot. 2. Want dag en nach zag Iej [...]

Psalm 37 1. Maakt oe neet helleg op et vaals geslachte, op t volk dàt gearne kromme weage geet. Zee goat vuurbiej, vuurbiej as ne gedachte, as huej en grùs dàt votweejt op de weend, at friske greun, dàt eers nog tear en zachte, vedruengt op t veald en voort neet mear besteet. 2. Vetrouw met heel oew hatte op de HEARE, en doot wat good is, ieder op zinn stea en geewt met vùlle wille Um de [...]