Rijssense Psalmen

Psalm 25 1. k Legg' minn zeele in Oew haane, biej Oe skuul ik in de nood. Maak miej, HEARE, neet tot skaande, want minn viejaand maakt zik groot. Iej komt as nen Helper tot alln dee't vuereg op Oe wochen, mer beskaamt de vaalse spot van de leu dee't Oe noojt zochen. 2. Wil miej Oewe weage wiezen, lear miej woer ik hen mut goan um de juuste weg te kiezen. Loat minn veute vaste stoan. [...]

Psalm 26 1. Iej, HEARE, doo miej rech; ik waandel op Oewn weg en kan oprech joa vuur Oe stoan. Aajt ealke in min haandeln stroekeln ik neet in t waandeln; k mog stille an Oew’ haane goan. 2. Iej, preuwt miej toch. t Is good! Kiek dwas duur min gemood; k veboarg vuur Oe minn hatte neet. Oew’ trouw hool ik in t ooge, Oew’ woarheajd hool ik hooge. Oe volg ik, woer de weg ook [...]

Psalm 27 1. De HEARE is min Lech en minn Velùsser, vuur wee zol ik nog lenger bange wean? Hee is min vaste Stea, non kan ik rùssen. Ik vreeze neet, Hee gef miej stille vrea. Minn haaters kon min vlaejs wal leawndeg àtn mer Iej, o HEARE, hebt miej neet vegàtn. De minne leu dee met min leawn woln spùln; zee stroekeln zelf, zeent duur Oew’ haan’ evùln. 2. Al kùm een leager viejaann miej temeute [...]

Psalm 28 1. Ik roop Oe an, minn Rots en HEARE, Iej, luster toch, weas miej geneareg. Want as Iej zwiegnt en ik Oew’ stemme, joa, ik Oewzelf neet mear venemme, dan was ik as een meanskenkeend dàt in et graf ten oonder geet. 2. Luster noar miej, ik, klean van krachen, ik skreew’ et oet; heur noar minn klachen. Ik heff minn baejde haane hooge noar t haejleg Hof, tot vuur Oew ooge. Gooj miej neet [...]

Psalm 29 1. Priest de HEARE, groot in krach; Um de glorie, ear’ en mach. Heemelmachen, zùns van god, priest de HEARE ieder bod. Priest de HEARE, tong en taale, buugnt oe vuur de HEARE daale. Brengt in t haejleg Hof de HEARE, an Zinn Naam, de lof en eare! 2. Groote waatern, vol oontzag: huer de HEARE spràkn met mach. Huer de HEARE, want Zinn moond doondert boawn de waatervlood. Joa de HEARE spràk met eare; [...]

Psalm 30 1. Oe pries ik, HEARE; op min skreewn heb Iej de viejaann ofjach ‘geewn. Iej hebt ehuerd noar min gebed en oet de deepte miej ered. Ik reupe en op all minn klachen gaf miej de HEARE nieje krachen. 2. Iej, HEARE, in minn deepste nood woarn Iej minn zeele vuur de dood. Iej redn van t graf; non mag Oewn knech wier leawn en waandeln in Oew lech. Met psalmen kom ik Oe temeute; [...]

Psalm 31 1. Biej Oe, o HEARE, in Oew’ haane, skuul ik in alle nood, want viejaann maakt zik groot. Maak miej vuur eeweg neet tot skaande. Doot rech, kom miej temeute, zet miej op vrieje veute. 2. Maak an, maak an, heur noar minn stemme, minn Rots en stoarke Stea; dan mag ik vaejleg wean. Iej, redt miej oet de vaalse klemme van leu dee't in de nachen, in t duuster, liezem lachen. 3. Ik mag [...]

Psalm 32 1. Good of 'n meanske - den't in n biestern waandelt - as God vegef, geneareg met um haandelt; wonear de HEARE Zelf as met een kleed alns toodekt en van zeunde neet mer weet. In zinnen gees is gin bedreegerieje. Toew ik nog zweeg wùr t leawn ne weustenieje. Ik skreewn et oet, ik kwienn tot op het bot. Oew haane drok miej daale en vear vot. 2. Want dag en nach zag Iej [...]

Psalm 33 1. Zing vuur de HEARE, zing met wille oprechte leu, dàt past oe wal; Ginn meanske blif tr dan nog stille, mer zeenk de lofzaank oaweral! Zing Gods lof al wieter, op de hoarp’ en citer. Zing, joa zing oewn zaank. Loat de hoarp’ Um priezen op de muejste wieze, met nen bliejen klaank. 2. Et woord van oonzen God en HEARE is woarheajd; Hee dut wat Hee zeg. Vuur heel de weald is Hee [...]

Psalm 36 1. Huer wat in t hatte, lelk en bleend, van n goddeloozen ummegeet; vuur God hef hee gin ooge. Hee s gruets op wat hee zeg en dut en dech dàt God et kwoad neet zut. Hee hef zikzelf slim hooge. Alns wat hee oetkroamt met zin moond; de laffe luegns: hee neumt ze good, ginn zeunde maakt um bange, den't snachs op berre, daagns op n trad dech an wat duuster is en zwat; [...]

Psalm 37 1. Maakt oe neet helleg op et vaals geslachte, op t volk dàt gearne kromme weage geet. Zee goat vuurbiej, vuurbiej as ne gedachte, as huej en grùs dàt votweejt op de weend, at t friske greun, dàt eers nog tear en zachte, vedruengt op t veald en voort neet mear besteet. 2. Vetrouw met heel oew hatte op de HEARE, en doot wat good is, ieder op zinn stea en geewt met vùlle wille Um [...]

Psalm 38 1. Woart miej, HEARE, vuur de slaage alle daage, weast neet helleg, grimmeg mear. Oewe pieln veult skoarp as taane. Oewe haane drok op miej en t dut zoo zear. 2. Want oew helleghaejd - wolange?- maakt miej bange. Alle zeunden kiekt miej an. k Zitte, zeek tot in de butte, in de putte, woer gin meanske helpen kan. 3. Skoold en zuenden drukt miej daale; tong en taale kuent neet zegn wo zwoar dàt [...]