Rijssense Psalmen

Psalm 42 1. Zoo 's een hatte* skreewt umm waater, skreewt minn zeele ieder bod in minn mùejte vroo en laate aajt vedan tot Oe, minn God. As de boargen miej begreawt, skreew ik t oet tot God Den leawt. Wil miej van den dùs velùssen, loat miej an Oew hatte rùssen. 2. Dag en nach loop ik te zuchen, t vùlle gùln maakt miej zoo meu. k Wol zoo gearne naor Oe vluchen, vót van al [...]

Psalm 43 1. O God, ik roope, huer minn koarmen, kom vuur miej op en doo miej rech. Et minne volk keant gin oontfoarmen; redt miej toch oet ùer stoarke oarme. Joa, loat wee vaalse dinge dech toch stroekeln op de weg. 2. Oojt huern Iej, God, noar minne stemme, mer non – woer is Oew’ trouw ebleewn? Gin woord dà-k nog van Oe venemme; de viejaann zet vuur miej ne klemme, mer Iej hebt in minn [...]

Psalm 46 1. Ne stoarke Stea umm hen te vluchen is oonzen God, Hee huert oons zuchen. Dát weet viej, en viej bangt oons neet, ook as de weald ten oonder geet; as hooge boargen, vroo of laate vear vot zakt in et deepe waater; de zee de golven broezen dut, de staele boargen beewt en skudt. 2. De bàkskes stroomt hier vriej en stille en geewt de Godsstad nieje wille. Want doar, woer alns zoo stille [...]

Psalm 47 1. Alle volken, laann, / klapt non in de haan'. Brengt met bliej geklaank / Um de lof en daank. Oonzen Koonek steet / vear boawn t meanskenkeend; Volken, hof noa hof, /  buungt vuur oons in t stof. Hee, zoo groot in krach, / hef an oons edach. Jakobs glorie is / oons tot oarfeniss’. 2. Zingt et huegste léed / vuur oewn God en zeet Um al hueger stiengn, / voort de kroone [...]

Psalm 51 1. Umm Oewe groote goodhaejd en Oewn trouw, geneareg God, doo vot van miej wat krange en krom is, want de zuende maakt miej bange. Iej, wasket miej heelndal, k hebb’ zonn berouw. Ik weete t wal, ik kenne min bestoan; al t slàchte geet vedan duur minn gedachen. Teengn Oe, teengn Oe alleeneg hè-k  t edoan, de zuenden dee Oew’ oongn geduureg zaggen. 2. Alns wat God dut is zuuwer en oprech. Hee straft [...]

Psalm 53 1. Nen dwoas zeg biej zikzelf: Doar is gin God. Zee leawt zik oet, doot niks as slimme dinge. Gin meanske op de weald maakt t God noar t zinne. Umzuens zoch Hee noar n meanske dàt neet spot met Zin gebod. 2. God hef vanoet de heemel wal ezeen dàt alle leu an t dwàln zeent en bedùrven, gin good doot en t vestaand lik ofestùrven. Gin meanskenkeend, gineene, is te veenn den t [...]

Psalm 56 1. Weast miej geneareg in de nood, o God, want t minne meanske zoch miej ieder bod, zee komt noa an tot alns miej bange wort. An t eande van minn krachen kom ik tot Oe; ik kom met all minn klachen. Oe pries ik, k hool Oew Woord in minn gedachen. Dán wort de viejaann, dee t miej deep verachen, duur Oe zelf daal’ estot. 2. Want ik vetrouw op God en bang’ miej [...]

Psalm 61 1. Luster, God, en kiek toch daale, huer de taale van min skreewn en van min spràkn. Vear, vear vot van Oe en bange, al zoo lange, vuel ik t hatte in miej bràkn. 2. Dreag miej op nen rots, te hooge in min ooge. Iej warn aajt minn vaste Stea. Teegn de viejaann dee t miej zochen, op miej wochen, wol Iej miej nen Helper wean. 3. In Oew Hoes wonn ik zoo gearne [...]

Psalm 62 1. Hiér hef minn zeele heard noch hoes, biej God alleeneg kom ik thoes. In dissen Rots kom ik tot rùste. Ik stroekel neet, k magg met Um goan, Hee dut minn veute vaste stoan, ne stoarke Stea is min Velùsser. 2. Wolange goa-j nog helleg an en wil iej dissen keal – as t kan joa met de dood in oew’ gedachen - zoo as ne muure, skel en skuun wal daale stootn, um [...]

Psalm 65 1. De stilte gef an God de eare, an Sions God de lof. Betaalt geloften en brengt neareg oew’ offers in Gods hof. Iej huert van oons gebed de taale, wat leawt mut tot Oe goan. Al drukt de zeunden oons deep daale; Iej hebt ze duur edoan. 2. Wee duur God Zelf wort an eweezen umm keend an Hoes te wean, zal vol geluk zinn God doar vreezen wonn in ne stille stea. Want [...]

Psalm 68 1. God Zelf steet op; de viejaand geet, as rook den votweejt op de weend, vear van Gods Angezichte. As was dee in de hette smeelt breng Iej ùer goddeloos geweeld, Oew’ haaters  in t gerichte. Mer viej, viej zùet van bliejskop springn, met vùlle wille psalmen zingn. Zingt psalmen, Um de eare! Zingt psalmen dee et hatte raakt en lieke weage vuur Um maakt. Priest God, Zinn Naam is HEARE! 2. Joa heemelhooge is [...]

Psalm 70 1. Maak an, o God en red miej toch, en kom miej, HEARE, tegemeute. De viejaand kuemp op rappe veute miej achternoa en grip miej nog. Voort stoat zee met nen moond vol taane! Lacht zee miej oet? Greawt zee min graf? Iej zùet dee leu – zoo voel en laf – wal ofjach geewn met skaa en skaande. 2. Loat alln dee t hatte heft tot God, met vùlle wille op Um wochen; loat, [...]