Rijssense Psalmen

Psalm 93 1. Zeet oonzen HEARE doar as Koonek stoan. Zinn mach hef Hee as kleed Zik ummedoan. Op vaste groond hef Hee de weald beraejd, Oewn troon steet vaste tot in eeweghaejd. 2. Al stroomt de waatern, HEARE, oawer t veald en hueger nog met doonderend geweald; al broest de golven joa tot an de loch: éen woord van Oe, t hoolt op, et is genog. 3. Want Iej zeent stoarker dan de weeldste zee; wo [...]

Psalm 95 1.Kom, loa-w met wille oonzen God,de HEARE, priezen ieder bod.Zingt psalmen, geewt Um alle eare.Hee is nen Rots, ne vaste Stea;biej Um mag t meanske veajleg wean,Hee, oonzen Koonek, oonzen HEARE.2.De deeptste stean, de vearste laann;Hee hoolt ze vaste in Zinn haan',Hee s hueger dan de staelste huegten.Alns wat Hee met Zinn vingers raakt,de groote zee; Hee hef t emaakten op Zinn Woord reup Hee et druege.3.Hee is zoo groot, wee kan bliewn stoan?Loa-w vuur [...]

Psalm 100 1. Zingt vuur de HEARE, Hee is God. Zingt, alns wat leawt, goat neareg tot oewn God en brengt, met lof en zaank vol bliejskop an de HEARE daank. 2. De HEARE hef oons an eraakt; neet viej - mer Hee hef oons emaakt. Viej zeent Zin volk, blood van Zin blood, de skùepe van Zinn waejdegroond. 3. Zingt psalmen, offert in Gods Hof en brengt Zinn Naam de ear’ en lof. Zinn goodhaejd en [...]

Psalm 102 1. As ik tot Oe roope, HEARE, luster dan, weast miej geneareg. Loat miej neet alleeneg goan, non ik bange vuur Oe stoa. Wort de nood miej voort te hooge; HEARE, hoolt miej dan in t ooge. Geewt miej toch biej daage, nachen, rap beskeed op al minn klachen. 2. Want as rook zeent all minn daage; k veule in min lief de slaage, deep’ van binn, in t ingewaand’, all minn butte stoat in [...]

Psalm 103 1. Minn zeele, pries oet alle mach de HEARE en gef Zinn Naam Den haejleg is de eare. Priest Um, want Hee hef vùlle goods edoan. Joa, Hee vergef oew‘ zeunde allemoale en wil oe bàtter maakn van alle kwoale. Oew leawn is oet et graf wier op estoan. 2. De HEARE dut oe as nen koonek waandeln, in trouwe leefde zal Hee met oe haandeln. Hee maakt oew’ joonkhaejd as nen oarendsvloch. Met vreandeleke [...]

Psalm 104 1. Priest, minne zeele, priest met deep oontzag minn HEARE en minn God, zoo groot in krach. Vol skoone glaans en glorie zeent Oew’ kleare, Iej dreangt et lech as maantel. Iej, de HEARE, hebt as een kleed de heemel kluur’ egeewn, geliek’ ne teante duur Oew’ haan’ eweewn. Et waater dreg de hooge heemelzaale, Hee Zelf kuemp op ne wolkenwaage daale. 2. Hee geet vuurbiej op vluegeln van de weend, Hee gef in storm [...]

Psalm 105 1. Zing hallelujah, zing de HEARE, breng Um alleeneg daank en eare. Zing psalmen, zing et huegste léed umm t woonder dàt Hee met oons geet. Priest in de weald Zinn Naam, Zin woark, want Hee is haejleg, groot en stoark. 2. Hee maakt et hatte bliej en stille van n meanske dàt Um zoch met wille. Vroag noar de HEARE en Zinn krach en zuek Um neareg dag en nach. En wil umwiel ook [...]

Psalm 107 1. Breng daank an oonzen HEARE, want Hee is good en groot, vuur eeweg oons geneareg, Hee redt oons oet de nood. Zoo munn viej van Um spràkn! Hee huert oons bange zuchen, Hee zal de kàtne bràkn en dut de viejaand vluchen. 2. Hee brag oons biej mekaander vanoet de vearste stea, oet t eene laand en t aander woo wied dàt ook mag wean. Wát dwàln dr mer wat roond, langs weelde, weuste [...]

Psalm 114 1. Toew Israël is vot egoan oet Cham en t hoes van Jakob oet den vrùmden stam, vear vot van Chams menuewels; kùm Hee in Israël as Koonek thoes, umm doar te wean, te wonn in t haejleg Hoes op Juda’s hooge huewels. 2. Jordaan en zee zeent achteroet esprungn; zee bangn zik, maakn dàt ze aansumme gung. Ze skrukn en vluchen baejde. De boargen sprungn as ràmme weeld in t roond, de huewels huppeln [...]

Psalm 116 1. Min leawn is leefde, want Hee gef beskeed; minn stemme en min smeekn um Zin oontfoarmen hef Hee venùmn, de HEARE huert min koarmen. Ik roop Um an, Hee keant al min vedreet. 2. k Lear vast’ ebuenn in valstrikn van de dood, de deepten van de helle maakn miej bange. Ik reup Um an: O HEARE, doert t nog lange? Red minne zeele toch oet disse nood! 3. Geneareg is de HEARE, Hee [...]

Psalm 117 Heft, alle volken, alle laann, op noar de HEARE oewe haan' ! En priest Zinn Naam, want non en voort is Hee biej oons, Zinn mach is groot. Den t -  Hallelujah!  - HEARE is, vuur eeweg oons genaereg is! Luisterversie Volgt nog Toelichting “Heft op…oewe haan' ”. Ik heb gekozen voor “heffen”. Het woordenboek geeft bij heffen meerdere mogelijkheden zoals “lichn” (iets zwaars optillen; (“op)buurn” (opbeuren) en ”heffen” (van [...]

Psalm 119 1. An Oewe wet wil ik min hatte kwiet, Oew woord alleeneg kan de weg miej wiezen. Oew woord is woar, Oew’ wet is roem en wied. Ik wil zo gearne al Oew’ wùere priezen. O lear miej toch – et leawn is vol van stried – umm aajt vedan et rechte spoer te kiezen. 2. Bewoar de jonge leu op ùere weg, dàt zee neet stroekelt, geewt ze stoarke beene, want disse weald maakt [...]