Rijssense Psalmen

Psalm 114 1. Toew Israël is vot egoan oet Cham en t hoes van Jakob oet den vrùmden stam, vear vot van Chams menuewels; kùm Hee in Israël as Koonek thoes, umm doar te wean, te wonn in t haejleg Hoes op Juda’s hooge huewels. 2. Jordaan en zee zeent achteroet esprungn; zee bangn zik, maakn dàt ze aansumme gung. Ze skrukn en vluchen baejde. De boargen sprungn as ràmme weeld in t roond, de huewels huppeln [...]

Psalm 116 1. Min leawn is leefde, want Hee gef beskeed; minn stemme en min smeekn um Zin oontfoarmen hef Hee venùmn, de HEARE huert min koarmen. Ik roop Um an, Hee keant al min vedreet. 2. k Lear vast’ ebuenn in valstrikn van de dood, de deepten van de helle maakn miej bange. Ik reup Um an: O HEARE, doert t nog lange? Red minne zeele toch oet disse nood! 3. Geneareg is de HEARE, Hee [...]

Psalm 117 Heft, alle volken, alle laann, op noar de HEARE oewe haan' ! En priest Zinn Naam, want non en voort is Hee biej oons, Zinn mach is groot. Den t -  Hallelujah!  - HEARE is, vuur eeweg oons genaereg is! Luisterversie Volgt nog Toelichting “Heft op…oewe haan' ”. Ik heb gekozen voor “heffen”. Het woordenboek geeft bij heffen meerdere mogelijkheden zoals “lichn” (iets zwaars optillen; (“op)buurn” (opbeuren) en ”heffen” (van [...]

Psalm 119 1. An Oewe wet wil ik min hatte kwiet, Oew woord alleeneg kan de weg miej wiezen. Oew woord is woar, Oew’ wet is roem en wied. Ik wil zo gearne al Oew’ wùere priezen. O lear miej toch – et leawn is vol van stried – umm aajt vedan et rechte spoer te kiezen. 2. Bewoar de jonge leu op ùere weg, dàt zee neet stroekelt, geewt ze stoarke beene, want disse weald maakt [...]

Psalm 121 1. Wonnear de boargen hooge zeent en t hatte bange wordt: minn Helper is minn God, Den t alns emaakt hef wat besteet. Dan kiek ik op en hooge sloa ik op Um et ooge. 2. Hee dut oew’ veute vaste stoan. De God Den t met oe geet, Hee slùp en dommelt neet. Israëls God zal met Oe goan. Hee woart oe vuur de slaage, Hee dreg oe alle daage. 3. Hee is de [...]

Psalm 122 1. Wat was ik bliej umm te venemn: t Geet noar Gods Hoes opan, goa-j met tot viej de veute daale zett in oewe poortn, Jeruzalem! Jeruzalem, woo good en rech zeent oewe steender vaste ‘leg! Doar zeent de stamn tot lof en eare noar oold gebroek opan etrùkn. Doar wordt et rechte woord esprùkn, op Davids troonn vuur God de HEARE. 2. Gef God, dàt alln dee t vroangt umm vrea, de haane voolt [...]

Psalm 124 1. As neet de HEARE met oons was egoan, -zeg t, Israël! -  viej hadn neet mear bestoan. As neet de HEARE mét gung op de weg; de viejaand ha-r oons helleg vot edoan, oons inesloekt, oons in de koele ‘leg. 2. De streume warn oawer oons hen ekùmn, hadn leawn en zeele van oons vot enùmn. Et weuste waater ha-r oons daale ‘stot. Toew w in de nood gin stemme mear venùmn, toew zee-w [...]

Psalm 126 1. As Sion thoes mag komm in vrea lik oons dàt wal nen dreum te wean. De HEARE maakt oons leawn wier niej, maakt oons van kàtns en viejaann vriej. Met disse woondern in gedachen kuent viej neet aans as zingn en lachen. Viej roopt et oet met hatt’ en moond; de tonge juubelt: God is good! 2. Joa ook de hàejn hebt t wal vestoan: De HEARE hef wat groots edoan! Joa, groote dinge [...]

Psalm 127 1. Umzuens is t umm een hoes te bouwn a-j t zoonder God de Heare doot; met óons gehaejster kuemp t neet good. Umzuens a-j, zoonder te vetrouwn op God, oewn stad deankt te bewaakn en snaches neet in sloap te raakn. 2. Umzuens om smoarns vroo op te stoan, et zoer vedeende brood te àtn - en oonderwiel oewn God vegàtn - en laate wier noar berre goan… Wo hard et meanskenkeend ook lùp [...]

Psalm 129 1. Zee maakn t miej slim benùwd van keends of an. Loat Israél dàt zegn; huer dan dit woonder: van keends of an zoo slim benùwd, vedan, mer toch gung ik an t kwoade neet ten oonder. 2. Ne plooge hef minn rugge lùs etrùkn, de ploogers maakn de voorn lange en vùlle. Mer God dut rech, hee hef de tùwwe ‘brùkn, al t goddeloos geràj hùw Hee an bùlle. 3. De viejaann skaamt zik, [...]

Psalm 130 1. De deepte maakt miej bange, o HEARE, huer minn skreewn. De nach doert al zoo lange, woer zir Iej toch ebleewn? As Iej minn zuenden anzeet kan k neet vuur Oe bestoan. Mer t kwoad dàt in de weg steet heb Iej vear vot edoan. 2. Ik woche op de HEARE en hoppe op Zin woord. Ik zuek Um Den neet vear is; de nieje dag kuemp voort. De HEARE zal neet rùssen, mer [...]

Psalm 131 1. Min hatte, HEARE, is tevrean’ umdàt et kort biej Oe mag wean. Ik zinn neet gruets, ik zeuke neet alns wat vuur miej te hooge geet. 2. Minn zeele is tot rùste 'kùmn. Nen kleann den van de buste 'numn, biej moo still’ in de oarme lig - zoo is minn zeele as dàt wich. 3. Dàt Israel met nieje mood zinn God inteeng geet voot biej voot en noar Um oetzut dag an [...]