Rijssense Psalmen

Psalm 87 1. Op vaste groond, op boargen hoog’ en haejleg – God zelf hef an de poortn van Sions Stad mear wille dan an Jakobs hoes ehad. Noarns is et muejer, noarns wonn iej zoo vaejleg. 2. Rachab en Babel woont hier biej mekaander, nen Tyriër en leu oet alle laann, nen Filistijn, genter nen Afrikaan – zee heurt tr biej, God keant ùer as gin aander. 3. Hee tealt de volken, neumt ze éen’ vuur [...]

Psalm 88 1. God van minn hulpe, heur min skreewn, biej dag en nach doo-k niks as koarmen, Ik roop' vedan umm Oew oontfoarmen. De doodsskrik dut miej t hatte beewn. Ik zin zoo meu, k kan aamper flustern, vegàt miej neet, mer wil toch lustern. 2. Vol deep verdreet is heel min leawn, vol noareghaejd en zoonder krachen. Biej leu zin ik oet de gedachen; zee doot as of ik zin begreawn. Van God vegàtn en [...]

Psalm 89 1. k Wil eeweg zingn van God, Um priezen met minn moond; van keend tot keend is Hee vuur oons getrouw en good. Hee is de vaste groond, Hee hoolt oons wal in t ooge; zoo as ik heb esprùkn: Oew’ trouw is heemelhooge! Ook zoch Ik Zelf nen keal, den aaltied Miej zal vreezen, dus heb Ik David as Minn deensknech an eweezen. 2. t Veboond duur Miej emaakt kan noojt mear worn vebrùkn, [...]

Psalm 90 1. Iej warn, O HEARE, oonze vuurgeslachen ne plaase umm t skuuln in duustre nachen. Toew nog gin boargen warn geboorn oet steender, gin weald emaakt was vuur de meanskenkeender, was God, Den gin begin of eande hef van eeweghaejd de God Den umm oons gef. 2. In disse weald is alls wat leawt bedoarflek, et meanske is oet stof emaakt en stoarflek. Et leawn is kort, al ràkt de leu zik rieke; vuur God [...]

Psalm 91 1. Biej n Allerhuegsen Thoes te wean, en in Zinn skaa te vlu – chen en snaches rùssen mangn in vrea, vriej van et bange zu - chen… Dan zeg ik teengn de HEARE voort: minn Rots op Wee ik bouwe, min Henkomn in de grùtste nood, minn God Den ik vetrouwe. 2. Nen voogel vaste in nen strik - Hee hoolt oe wal in t oo - ge en maakt oe lùs en zoonder [...]

Psalm 92 1. Loat oons de HEARE priezen: de Sabbat is begunn! Zingt psalmen, want viej munn God daank en ear bewiezen. Bezingt op hoarp’ en citer Zinn goodheajd oawerdag, smoarns vroo tot miln in n nach; zoo stig Gods lof al wieter. 2. Oew’ woonderleke krachen maakt miej zoo bliej van binn, doot miej met wille zingn, want deep zeent Oew’ gedachen. Gods doon is vùls te hooge vuur domme leu in t laand. Nen dwoas [...]

Psalm 93 1. Zeet oonzen HEARE doar as Koonek stoan. Zinn mach hef Hee as kleed Zik ummedoan. Op vaste groond hef Hee de weald beraejd, Oewn troon steet vaste tot in eeweghaejd. 2. Al stroomt de waatern, HEARE, oawer t veald en hueger nog met doonderend geweald; al broest de golven joa tot an de loch: éen woord van Oe, t hoolt op, et is genog. 3. Want Iej zeent stoarker dan de weeldste zee; wo [...]

Psalm 95 1.Kom, loa-w met wille oonzen God,de HEARE, priezen ieder bod.Zingt psalmen, geewt Um alle eare.Hee is nen Rots, ne vaste Stea;biej Um mag t meanske veajleg wean,Hee, oonzen Koonek, oonzen HEARE.2.De deeptste stean, de vearste laann;Hee hoolt ze vaste in Zinn haan',Hee s hueger dan de staelste huegten.Alns wat Hee met Zinn vingers raakt,de groote zee; Hee hef t emaakten op Zinn Woord reup Hee et druege.3.Hee is zoo groot, wee kan bliewn stoan?Loa-w vuur [...]

Psalm 100 1. Zingt vuur de HEARE, Hee is God. Zingt, alns wat leawt, goat neareg tot oewn God en brengt, met lof en zaank vol bliejskop an de HEARE daank. 2. De HEARE hef oons an eraakt; neet viej - mer Hee hef oons emaakt. Viej zeent Zin volk, blood van Zin blood, de skùepe van Zinn waejdegroond. 3. Zingt psalmen, offert in Gods Hof en brengt Zinn Naam de ear’ en lof. Zinn goodhaejd en [...]

Psalm 102 1. As ik tot Oe roope, HEARE, luster dan, weast miej geneareg. Loat miej neet alleeneg goan, non ik bange vuur Oe stoa. Wort de nood miej voort te hooge; HEARE, hoolt miej dan in t ooge. Geewt miej toch biej daage, nachen, rap beskeed op al minn klachen. 2. Want as rook zeent all minn daage; k veule in min lief de slaage, deep’ van binn, in t ingewaand’, all minn butte stoat in [...]

Psalm 103 1. Minn zeele, pries oet alle mach de HEARE en gef Zinn Naam Den haejleg is de eare. Priest Um, want Hee hef vùlle goods edoan. Joa, Hee vergef oew‘ zeunde allemoale en wil oe bàtter maakn van alle kwoale. Oew leawn is oet et graf wier op estoan. 2. De HEARE dut oe as nen koonek waandeln, in trouwe leefde zal Hee met oe haandeln. Hee maakt oew’ joonkhaejd as nen oarendsvloch. Met vreandeleke [...]

Psalm 104 1. Priest, minne zeele, priest met deep oontzag minn HEARE en minn God, zoo groot in krach. Vol skoone glaans en glorie zeent Oew’ kleare, Iej dreangt et lech as maantel. Iej, de HEARE, hebt as een kleed de heemel kluur’ egeewn, geliek’ ne teante duur Oew’ haan’ eweewn. Et waater dreg de hooge heemelzaale, Hee Zelf kuemp op ne wolkenwaage daale. 2. Hee geet vuurbiej op vluegeln van de weend, Hee gef in storm [...]