Rijssense Psalmen

Psalm 130 1. De deepte maakt miej bange, o HEARE, huer minn skreewn. De nach doert al zoo lange, woer zir Iej toch ebleewn? As Iej minn zuenden anzeet kan k neet vuur Oe bestoan. Mer t kwoad dàt in de weg steet heb Iej vear vot edoan. 2. Ik woche op de HEARE en hoppe op Zin woord. Ik zuek Um Den neet vear is; de nieje dag kuemp voort. De HEARE zal neet rùssen, mer [...]

Psalm 131 1. Min hatte, HEARE, is tevrean’ umdàt et kort biej Oe mag wean. Ik zinn neet gruets, ik zeuke neet alns wat vuur miej te hooge geet. 2. Minn zeele is tot rùste 'kùmn. Nen kleann den van de buste 'numn, biej moo still’ in de oarme lig - zoo is minn zeele as dàt wich. 3. Dàt Israel met nieje mood zinn God inteeng geet voot biej voot en noar Um oetzut dag an [...]

Psalm 132 1. Deank, HEARE, Iej Den alns wal weet, deank, HEARE, toch an Davids eed den hee edoan hef in zin leed en Jakobs stoarke God oprech beloawt hef en hef too ezeg: 2. Noojt veen ik in min hoes de vrea, k wil neet in minne teante wean, neet lign goan op minn berrestea, ik stoa miejzelf gin rùste too, ik wil ginn ooge dichte doon, 3. ik woare miej in sloap te raakn - [...]

Psalm 133 1. Good of de bruers dee noa zeent met mekaander oonder één dak en ooge hebt vuur n aander. Doar wort et woare leawn genùtn, as ùllie op Aärons kop egùtn woervan de drùppels board en kleed besloat, joa tot op n zuem umdaale goat. 2. t Is as de dauw den op de stàele kùppe van n Hermon óf* tot op de hooge tùppe van Sion zachjes daale reangt. De weald wort wiereg as [...]

Psalm 134 1. Komt priest de HEARE, zingt Gods lof iej knechte in Zinn haejleg Hof; stoat vuur de HEARE nach an nach geduureg in Zinn Hoes op wach. 2. Heft op noar t haejlege oew haan' en priest de HEARE, priest Zinn Naam. Hee Den in Sion woont en waakt hef heemel, zee en weald emaakt. Luisterversie Volgt nog Toelichting

Psalm 136 1. Priest de HEARE, Hee is good, Priest Um met oew hatt’ en moond. Hee, Den God en HEARE is, vuur aaltied geneareg is. 2. Priest Um, priest Um ieder bod, dissen allerhuegsen God. Hee, Den God en HEARE is, vuur aaltied geneareg is. 3. Priest de HEARE, want Hee steet vear boawn ieder meanskenkeend. Hee, Den God en HEARE is, vuur aaltied geneareg is. 4. Groote woondern zeent Zin woark, Hee alleneeneg is zoo [...]

Psalm 137 1. Viej zatn te gùln oonder de wilgenbueme vear, vear van hoes an Baabels waaterstrueme, an t stille waater dàt mer kùm en gung; de hoarpen hadn viej an de wilgen ‘hung. Viej zatn doar daale en wee kon nog lachen a-w oonder troann vedan an Sion dachen? 2. Oonder de bueme an de waaterkaante begun de leu van Baabel oons te saantern umm oons doar miln op n Sabbatsdag te dwingn meziek te maakn, [...]

Psalm 139 1. Iej HEARE kent min zittn en goan, Iej weet kàts alns van min bestoan. Van vear begriep Iej min gemood, Iej zeet wat kwoad is en wat good. k Weet dàt Oew’ oogn al lange zaggen wat biej miej opkùm in gedachen. 2. Iej komt miej teengn op minne weg en hebt Oew’ haan’ op miej eleg. En woer ik zeuk’ umm hen te goan; vedan zee ik Oe vuur miej stoan, ook achter [...]

Psalm 141 1. Ik roope – woch toch neet te lange, o HEARE, luster noar min skreewn. Iej zeent toch noojt vear vot ebleewn as ik Oe zeuke, meu en bange? 2. Ik kom tot Oe, weas miej geneareg, tot Oe heff ik minn beajde haan’ as offers dee s oawns vuur Oe braann, as roekgeràj vuur Oe, minn HEARE! 3. Smangs zin ik met minn moond te vlugge. Bewoar miej vuur dit kwoad en doo de [...]

Psalm 143 1. O HEARE, luster noar minn stemme, minn smeekn as ik miej vaste klemme an Oewe trouw, geewt miej beskeed, dà-k Oew gerechteghaejd venemme, ik, Oewen knech den vuur Oe steet. 2. O HEARE, kom toch neet Oew knechte inteeng met Oewe haejlge rechen. Gin meanske kan vuur Oe bestoan. De viejaand wil niks aans as vechen en zit vedan miej achternoa; 3. hee dut miej in et duuster zwoarven en gref min graf umm [...]

Psalm 146 1. Hallelujah! Priest de HEARE, priest Um, zeele, ieder bod! Priest Um, geewt Um alle eare, Hee is HEARE en minn God. Heel min leawn, met psalm en zaank, breng ik Um de lof en daank. 2. Iej kuent bàtter niks vewochen van de hooge hearn an t hof. Wat zee dachen, wat zee zochen geet vuurbiej, vegeet tot stof. Nee, et meanske skùt tekort; loat oe helpn duur Jakobs God! 3. Hee, de HEARE, [...]

Psalm 150 1. Hallelujah! Zingt Gods lof, priest Um in Zin haejleg hof. Priest Um, zunne, moane, stearn; heel de heemel mut Um earn. Priest Um, Hee is klook en krachteg. Priest Um, Hee is groot en good, bloast t op de bazuune roond: Hallelujah! God is machteg. 2. Priest Um alle daage wier, met nen ràej en zachte lier. Loat de hoarpe, flùejte huern, zik de reenkeltromme ruern. Alls wat snoarn hef, priest de HEARE. Simbels, [...]