Rijssense Psalmen

Psalm 1 1. t Zal good goan met nen kearl den vaste steet en neet op n trad met goddeloozen geet, neet stoan blif woer de leu in t duuster waandelt, neet daale zit woer gruetse proaters haandelt, mer, alle daage fàel op t Woord van God, et leawn vedan wil zeukn in Zin gebod. 2. Want hee zal wean zoo at nen boom den good en vaste steet met wotteln in de groond; in t friske [...]

Psalm 2 1. Woerumme roast de hàejn met groot geweald en wort tr in de weald zoo drok ehaejstert duur koonengn dee zikzelf nen god vebeelt, mer met ùer taane teengn de HEARE knaejs - tert? Zee skuurt zik lùs en spràkt met eene taale: Vot met de HEARE en t beloawde Zoad. Mer God zut oet de hooge heemel daale, zal spottn en lachen umm ùer gruetse proat. 2. De HEARE hef Zinn helleghaejd doon braann [...]

Psalm 3 1. Wat geet de viejaand an, zoovùlle dee vedan miej met mekoar verachen. O HEARE, heurt ze skeeln: “Iej munn oe niks vebeeln!”, Zee stoat Oé oet te lachen. Iej HEARE zeent neet vear, Iej zeent min skeeld en ear’, Iej hoolt min heuwd aajt hooge. De heemel heurt min skreewn; God hef beskeed egeewn, op Um sloa ik et ooge. 2. Ik sloape as een wich dàt stille biej Oe lig. k Zin veajleg [...]

Psalm 4 1. A-k roope, HEARE, heur min koarmen, o God van minn gerechteghaejd. A-k bange was sleug Iej Oew' oarme umme miej hen in groot oontfoarmen. Weast miej tot lustern aajt beraejd. Vot met dee gruetse keals, dee dwoazen, dee alns wat rech is krom weelt maakn en leungn en lùege wùere bloazen. Minn God bewoart miej vuur ùer roazen en zal miej as Zin Wich bewaakn 2. Ik roope en Hee heurt min zuchen. Weast [...]

Psalm 5 1. Ik buuge alle moarns de kneene en roope in minn mùejte tot minn huegsen Koonek en minn God. Iej huert minn stemme as gin eene; dà-k Oe toch veene! 2. God groezelt van bedreegerieje en al et goddelooze kwoad, van groote luegns en gruetse proat. De leu dee blood vegeet maakt Ieje tot weustenieje. 3. Oew groote goodhaejd wil ik priezen, k zal in Oew Hoes doarvan getuung, miej deepe vuur Oe daale buung. [...]

Psalm 6 1. O HEARE, k kan neet zoon-der Oewzelf, ik goa ten oonder, weas toch neet helleg mear. k Zitt deepe in de putte met doodsskrik in de butte. Wolange? Tot wonear? 2. Minn zeele keert zik um-me, kom HEARE toch wierumme en redt miej oet de nood. Iej geewt miej nieje wille. Et graf is stom en stille; wee pris Oe in de dood? 3. Ik zin zo meu van t zu-chn woer zol ik [...]

Psalm 7 1. In duustre daage zeuk ik neareg minn henkomn biej minn God en HEARE. At miej de viejaand helleg zoch; maak an, maak an en redt mij toch. Woln zee miej neet, toew zee miej zaggen, geliek nen leew dut, leawndeg slachen ? Voort griept ze miej en slept miej met; ginn meanske is tr den miej redt… 2. At, HEARE, toch minn beajde haane vol onrech warn – en tot minn skaande wee miej [...]

Psalm 8 1. Wo machteg, HEARE, zir Iej in min ooge, Oewn Naam, Oew' groothaejd is joa heemelhooge. Oet n moond van t kleanste wich - zeg God - heb Ik met mach esprùkn - en skaamt de viejaand zik. 2. Zee ik Oewn heemel, moan' en iedre steare; Iej hebt z' emaakt, ne plaase geewn o HEARE. Wee is hee dan, et kleane meanskenkeend dà-J an um deankt en wearde in um veent? 3. In ear [...]

Psalm 9 1. Met heel minn hatte en minn moond pries ik de HEARE; Hee is good! Ik wil Oe gearne ear’ bewiezen en Oe umm al Oew’woondern priezen. 2. Ik wil miej, God van alle eewn, met wille an Oe oawergeewn; met zingn en bliejskop in de HEARE breng ik an n Allerhuegsen eare. 3. Iej hebt min viejaann ofjach ‘geewn, zee stroekeln en zeent dood ebleewn, want vuur min rech war Iej nen Vechter, vanof [...]

Psalm 10 1. Woerumme, HEARE, bliew Iej toch zoo vear, vear vot van miej; t is tied dà-J komt, want voort doot slàchte leu al t oarme volk zoo zear; zee goat slim an en maakt zik stùedeg groot. Iej, griept ze toch en redt oons oet de nood. Zeet ze toch loern en heurt ze liezem lachen; zee maakt zikzelf tot god in ùer geda-chen. 2. Nen goddeloozen zeagnt de knieperds wál, mer spot met God, [...]

Psalm 11 1. Alleeneg biej de HEARE veen ik rùste; woerumme zeg iej tot minn zeele dan: Vlucht, vuegelken, vlucht noar de hooge nùste en vleegt vear vot noar oewen boarg opan! Gods haaters stoat met boagels in de vuuste al kloar umm met ùer skoarpe pieln, at t kan, oprechte leu te raakn vanoet et duuster. 2. Vegeet de groond voort oonder oonze veute en weet n oprechen neet mear wat hee mut; dan kuemp de [...]

Psalm 12 1. Red oons toch, HEARE, want in dit geslachte zeent vromme leu in t laand aamper te veenn. Wee ‘s trouw an God, wee ‘s ealke van gedachte? want waejneg zeent tr dee Oe zoo weelt deenn. 2. Zee snistert alle daage n eenn teengn n aander met op de lippn alleeneg vaalse proat; zee kùjjert glad as smiesterds met mekaander, want deep in t hatte deankt ze niks as kwoad. 3. Mer HEARE, houw [...]