Rijssense Psalmen

Psalm 65 1. De stilte gef an God de eare, an Sions God de lof. Betaalt geloften en brengt neareg oew’ offers in Gods hof. Iej huert van oons gebed de taale, wat leawt mut tot Oe goan. Al drukt de zeunden oons deep daale; Iej hebt ze duur edoan. 2. Wee duur God Zelf wort an eweezen umm keend an Hoes te wean, zal vol geluk zinn God doar vreezen wonn in ne stille stea. Want [...]

Psalm 68 1. God Zelf steet op; de viejaand geet, as rook den votweejt op de weend, vear van Gods Angezichte. As was dee in de hette smeelt breng Iej ùer goddeloos geweeld, Oew’ haaters  in t gerichte. Mer viej, viej zùet van bliejskop springn, met vùlle wille psalmen zingn. Zingt psalmen, Um de eare! Zingt psalmen dee et hatte raakt en lieke weage vuur Um maakt. Priest God, Zinn Naam is HEARE! 2. Joa heemelhooge is [...]

Psalm 70 1. Maak an, o God en red miej toch, en kom miej, HEARE, tegemeute. De viejaand kuemp op rappe veute miej achternoa en grip miej nog. Voort stoat zee met nen moond vol taane! Lacht zee miej oet? Greawt zee min graf? Iej zùet dee leu – zoo voel en laf – wal ofjach geewn met skaa en skaande. 2. Loat alln dee t hatte heft tot God, met vùlle wille op Um wochen; loat, [...]

Psalm 73 1. God gef an Israel Zinn zeang, an leu dee t hatte zuuwer dreangt. Mer ik kwam duur strabaant te haandeln zoowat tot stroekeln oonder t waandeln. Ik oargern miej umm an te zeen wo gruetse leu ùer geeld vedeent. De slàchte leu geet t aaltied good en leawt in vrea met wat zee doot. 2. Zee zeent noojt zeek en aajt gezoond, ùer lief is stoark, zee àt zik roond. Zee hebt zikzelf onmeujneg [...]

Psalm 75 1. Oe de lof en daank, o God, want kort biej oons is Oew Woord. Neum Zinn Naam en maak Um groot, priest Zinn woondern ieder bod. Op Min uure, langs Minn weg kom Ik, spràk Ik ealke rech! 2. Heel de weald mag skuddn en beewn, t meanske fiddern van de skrik. As God spràk dan bangt ze zik. God keump nùeder op oons skreewn. Met pilasters, groot en stoark dreg Hee Zelf Zin [...]

Psalm 77 1. Alle daage, alle nachen skreew ik tot Oe al minn klachen. k Roope met minn stemme tot Hee miej heurt, minn Hear’ en God. Truest miej neet, ik zin zoo bange, want ik zeuk’ Um al zoo lange. Deankn an God dut miej zoo zear, k kwiene vot, ik kan neet mear. 2. k Woche op Oew angezichte, k zin ebrùkn, minn moond blif dichte. k Zin vedan an t prakkezeern oawer vrooger, eewn [...]

Psalm 78 1. Min volk, ik wil oe gearne oonderrichen. Doo toch oew’ oorn wied lùs vuur minn gedichen, de roadsels en de spruekn oet oole beuke, van vrooger daage, dee ik oonderzeuke, dee-w huert en weet en an oons zeent vemeald en oonze vaaders an oons hebt veteald. 2. An oonze zùens, de laatere geslachen, veboargt viej neet Gods goons en goo gedachen, de woondern van de HEARE dee viej zaggen, Zinn lof, Zinn woarken en [...]

Psalm 80 1. Israëls Skeeper, doo Oew hatte wied lùs, huer noar Oew volk in smarte. Hee, Den ums Jozef, Oewen knech as Skeeper noar de waejde brech. Van tusken Cherubs doo Iej rech. Kom daale en skien met Oew lech. 2. Wort wakker en loat Oewe krachen toch zeen an Israëls geslachen, joa, vuur de oongn van Efraïm, Manasse en ook Benjamin. Kom oons te hulpe, kom opniej en maak oons van de viejaand vriej. 3. [...]

Psalm 84 1. Oew Hoes is miej onmeujneg good o HEARE;  t hatte en t gemood zeent slim ewùrn van t lange wochen. k Wil gearne in Oew vuurhof wean, God van min leawn, doar veenn' ik vrea. Min lief en zeele dee Oe zochen roopt non met vùlle wille tot minn machteg Koonek en minn God. 2. Vuur t muske steet Oew Hoes wied lùs, ne zwaalve bouwt ùer vaejleg nùs binn Oewe poortn - en [...]

Psalm 87 1. Op vaste groond, op boargen hoog’ en haejleg – God zelf hef an de poortn van Sions Stad mear wille dan an Jakobs hoes ehad. Noarns is et muejer, noarns wonn iej zoo vaejleg. 2. Rachab en Babel woont hier biej mekaander, nen Tyriër en leu oet alle laann, nen Filistijn, genter nen Afrikaan – zee heurt tr biej, God keant ùer as gin aander. 3. Hee tealt de volken, neumt ze éen’ vuur [...]

Psalm 88 1. God van minn hulpe, heur min skreewn, biej dag en nach doo-k niks as koarmen, Ik roop' vedan umm Oew oontfoarmen. De doodsskrik dut miej t hatte beewn. Ik zin zoo meu, k kan aamper flustern, vegàt miej neet, mer wil toch lustern. 2. Vol deep verdreet is heel min leawn, vol noareghaejd en zoonder krachen. Biej leu zin ik oet de gedachen; zee doot as of ik zin begreawn. Van God vegàtn en [...]

Psalm 89 1. k Wil eeweg zingn van God, Um priezen met minn moond; van keend tot keend is Hee vuur oons getrouw en good. Hee is de vaste groond, Hee hoolt oons wal in t ooge; zoo as ik heb esprùkn: Oew’ trouw is heemelhooge! Ook zoch Ik Zelf nen keal, den aaltied Miej zal vreezen, dus heb Ik David as Minn deensknech an eweezen. 2. t Veboond duur Miej emaakt kan noojt mear worn vebrùkn, [...]